Naipalabas na rin sa wakas ang much-awaited teleserye na Galema: Anak Ni Zuma sa Kapamilya Gold noong September 30. Noong 2010 pa kasi rumored na next project ito ni Andi Eigenmann after Agua Bendita pero hindi natuloy-tuloy. :) And finally, ito na siya. :) Kasama rin ni Andi ang kabalik-tamabalan niyang si Matteo Guidicelli, nagbabalik-kapamilyang Miss Sheryl Cruz, Carlos Morales, Lito Legaspi, Meg Imperial, Divina Valencia, Joey Paras and fresh from the success of Dugong Buhay, Sunshine Cruz. Ipinakilala rin sa teleseryeng ito si Derrick Hubalde na gumaganap bilang Zuma. Ito ay sa ilalim ng direksiyon ni master storyteller Direk Wenn V. Deramas.
Ang kuwento ng Galema ay tungkol sa isang babaeng ipinanganak na may nakadikit na magkakambal na ahas sa kanyang leeg. Ito ay dahil siya ang anak ni Zuma (Derrick Hubalde), isang isinumpang imortal na meron ding kambal na ahas sa kanyang leeg. Nabuo si Galema matapos gahasain ni Zuma si Galela (Sheryl Cruz), ang kapatid ni Isabel (Sunshine Cruz) na bumuhay kay Zuma dahil sa dugo nito. Mawawala sa katinuan si Galela at mamumuo sa kanya ang malaking galit kay Galema.
